当前位置：主页 > K翼生活 >任食高质海鲜、佐贺和牛＠Dining娜

任食高质海鲜、佐贺和牛＠Dining娜

2020-06-17 分类: K翼生活参与: 484人作者：

(Presented by 牛摩)

Photo：Tedd

拣日式火锅放题，你通常一定会问：食材係咪又靓又新鲜？回唔回到本㗎？如果话俾你知佐贺黑毛和牛、蚝、带子、虾等新鲜海鲜都係无限添食，你点睇？

任食回本火锅配料

有别于坊间好多日式火锅放题，牛摩会不计成本推出高质火锅靓料。喺香港日本料理店食到佐贺黑毛和牛当然好常见，但喺日式火锅放题店可以任食呢款靓牛，真係几大胆，喺牛摩柯打指定放题套餐就可以任食，我Dining娜都好佩服！

佢哋嘅特选佐贺黑毛和牛，仲巴闭到得到佐贺政府颁发证书，确定牛摩係认可餐厅供应佢哋嘅和牛，每块牛食落肚都有保证。和牛上枱，就见到均匀、丰腴嘅油花，靓牛配Sukiyaki或清汤，令牛肉嘅鲜香好突出，焯至刚熟，肉质软腍，yummy！香港人好锺意食海鲜，惠顾指定套餐都可以无限任添海鲜，例如蚝、带子、虾、青口，性价比好高！

佐贺黑毛和牛油花丰腴均匀，在汤底拖一拖就食得，非常软腍，最重要係可以任食，坊间嘅火锅放题非常少见。

牛摩供应嘅佐贺特选黑毛和牛，仲有佐贺政府颁发证书，好威水！

任食海鲜一般放题多数任食蔬菜、乌冬呢啲大路配料，但係牛摩竟然可以任食海鲜，性价比高。

春季期间限定必食

牛摩不时推出期间限定火锅汤底同配料，令食客保持新鲜感，又可以食到时令嘢，今期就有和风豆乳蚬汤，同埋可以升级享受鹿儿岛鸡肉同美国黑豚肉（只要惠顾90分钟指定放题套餐，4位以下就送1碟），估计呢个拼盘都要几十蚊，依家送俾你食，真係几抵！

期间限定│鹿儿岛鸡肉、美国黑豚肉虽然係升级加送，但坚持用优质靓食材。食客惠顾90分钟指定放题，4位以下即送1碟（如此类推，此限定至3月底止）。

期间限定│和风豆乳蚬汤师傅严选靓大豆同蚬肉亲自熬製，豆香浓郁，又食到鲜甜蚬肉味。

荃湾旗舰店　睇波、包场开P

荃湾旗舰店去年底先开业，特设2个70吋大萤幕，夜晚可以睇足球赛事，边食边睇波感觉一流。呢度仲可以包场开party，客人自备影片仲可以喺萤幕播放，坊间日式放题店真係未见过。

荃湾旗舰店特设2个大萤幕，边食边睇波，双重享受；包场仲可以播放自备嘅影片。

自助餐区甜品款式够多

牛摩全线都有自助餐区（火锅配料、熟食）、甜品区、饮品区，不过款式就以荃湾旗舰店同马鞍山店比较多。熟食有鸡烧翼、串烧、海鲜等等；甜品有北海道低脂乳酪、macarons、cupcakes、芒果布甸等等，仲会不时转款；饮品除咗汽水、绿茶、柠茶、麒麟啤酒之外，仲有芒果沙冰、苹果沙冰、咖啡。真係要留番另1个胃食熟食同甜品呀！